This memorial is no longer online
The time paid for it has run out. Unless more time is added it will be removed from this website, along with the photographs, keepsakes, and notes on it.
Anyone can add time to it, with no account needed.
Keep this memorial online
Dia 26 di mart 1923 e pareha Claudia Garmers-Barbara (konosi komo Korona 30/10/1898-12/11/1981)i Herman Garmers( miho konosi komo Manchi 17/01/1885-yan 1950) su promé yu homber a mira lus di bida. Nan a yam'é Leendert Henri. El a nase i krese na Seru di Pietermaai. 7 aña despues riba 8 di novèmber 1930 a nase e yu muhé mayó di e pareha Herman i Anita Leitoe den e bario di Wespen. Nan a yam'é Godovrida Victoriana.
Destino a pone ku Godovrida, Frida, Chichi,Chichi Frida, yufrou Frida, mami o mamai a bin biba na Punda i a topa ku Leendert, Shon Len, Papa Len. Nan a namorá i a kasa na juni 1957. E pareha a haña 3 yu, Percy, Lisette i Gilo. Leendert tabatin promé ku e kasa 2 yu muhé Jenniffer i Sislin i tambe 2 yu hòmber Norman i Humhprey. Na yanüari 1983 e pareha a bai sigui nan bibá serka Tata . Dia 23 di yanüari Chichi Frida a sera su wowonan i dia 30 di yanüari ora nan yunan a mira dos barbulete grandi topa otro riba muraya di Advent Hospitaal nan tabata sa ku e ora a yega pa nan bolbe uni ku otro den Reino di Dios.
Nan a biba pa nan yunan i a laga atras un tesoro na norma, balor i konseho pa nos por sigui adelante.
Nos ta invitá boso pa kompartí boso eksperensha ku nos i nos yunan pa asina nan tambe por siña konosé nan wela i tanwela.