Nos mayornan lo biba pa semper den nos kurason. Te ainda nos ta tende nan bos resoná.
Mami: Sòru pa semper bo mes moketa yena bo boka. No dependé di hende
Papi: Bida ta sigui. No sufri pa esun ku a muri. Lo e sosegá na pas ora e mira ku bo ta sigui ku bo bida na pas.
lisette, 8 January 2008
Sjon Leen y su rumannan tabata gusta bai piska maske ta 2 biaha pa luna. E tabata mas un uitje di nan 5 rumannan y tin biaha Roly Nieuwkerk y Hildo Isena tambe ta bai.Nan ta bai djabierne of djasabra anochi, pesey nan ta jame e dia ey, djapiska.
Tanye Ilva Garmers-Kroon, 10 January 2008
Riba djapiska nan tabata piska di + 9 or pa 11 or. Ora nan bini bek, nan ta pone Duque na kas prome.Si mi puntra unda e piskanan ta, semper Sjon Leen ta kuminsa na bisa ku nan a piska masha hopi piska y grandi ku nan no por a bini ku nan y Duque ta bisa ku tabatin hende di hotel ey nan, ku a kumpra nan tur. Ibi ku Donny i Richard ta exsajera e grandura di e piska nan. Anto nan tin ku tuma e "plaka" manjan.nan sa bini ku poko piska chiki, pero ta e fun di ta gezellig huntu ta e kos.
Tante Ilva Garmers-Kroon, 10 January 2008
Chichi, bo mama tabata masha lief y karinoso. ami tabata konsidere un amiga, meskos ku Bertha y abo mes. Un kos pret. Un biaha ku Chichi a hasi anja, el a bai kumpra cakes na zuikertuintje, ora ela bai drenta auto, el apone nan riba dak di auto pa sake su yabi. Na mitar di kaminda el a korda riba e cake, pero nan no tabata tey mas. Mi tabata tey kaba ora el a jega kas y bao di harimentu el a konta kiko a pasa.
Tante Ilva Garmers-Kroon, 10 January 2008
Djapiska, manera Tante Ilva a splika a pone e base pa tur yu di Shon Lin siña stima piskamentu. Tantu Percy, Gilo komo Lisette ta dominá e arte aki for di pega anzue i chumbu, te kue e piska i poné riba tera. Pero Percy ta e master mes.Weekend Shon Lin tabata bai ku nan tres pa kue of piska of panikrak. Ora yega kas e mes ta prepará nan pa nos tur kome huntu.
Percy, 12 January 2008
Tur djadomingo Papi tabata buska su Korona (asina nan a yama nan mama)pa bin pasa dia serka nos. Mami tabata prepará un sukulento kuminda krioyo pa despues nos bai hopi biaha ku tur otro tio i primonan bai kore keiru den Kunuku di Maal. Ei nos a siña stima naturalesa, buska bron di awa dushi, palunan di fruta, bestianan i tira un liña. Eiden Percy a yega di kue un tribon basta grandi. Asina nos tata i nos wela a siña nos apresia naturalesa.
Percy i Gilo, 12 January 2008
Mami tabata kushiná masha bon mes i tur hende tabata rekonosé pa esei. Defuntu Boy Maal semper tabata pidi Mami kushiná krioyo pe paso segun e niun hende por hasie mas dushi. Aña pasa Willy Maal a korda nos kon nan tabata saboria e kuminda di nos mama i ku e tabata tremendo koki.
Percy Lisette Gilo, 12 January 2008
Mi mama a siñami traha duru pa mi mes por mantene mi mes despues. Semper el a bisa ku ta un garantia pa bo ta independiente finansiero i mental. Serka nos den kas tur hende ta bai skol tur dia. Sea tin awaseru of no. Ta hopi malu bo mester ta pa bo no bai skol.
Lisette, 12 January 2008
Nos mama tabata bisa. No konta trabou, hasi nan. Hende ku ta konta trabou ta hende floho. Bo ta perde tempu ta konta enbes di hasi kita for di man. Trabou no ta mata niun hende.
Percy Lisette i Gilo, 12 January 2008
Mi mama a siñami hopi na diferente manera. Dor di splika, bisa pero tambe dor di modelá. El a siñami kushina dor di mire hasie. Pero el a modela 3 kos tambe ku ma disidi ku mi no kier tuma over. E tabata huma manera bapor, palabra malu tabata sali fasil for di su boka i e tabata kumpra number tur tur dia. Mi a disidi for di chiki ku niun di tres mi no kier hasi asina. Di e tres kosnan aki ta number so mi sa kumpra, ora un di nos hasi ana. Nunka mas ku 5 florin.
Lisette, 12 January 2008
Papi ta esun ku a forma mi karakter. Nunka el a impone riba mi sino hasimi pregunta. Nos por a diskuti oranan largu profundo riba tur tema i nunka el a bisami bo ta papia kos di kens. E ta bini ku kontra argumento i ami mester a pensa otro. Tin biaha nos ta stop i e ta bisa bai pensa bo argumentonan bon i nos ta sigui mañan.
Lisette, 12 January 2008
Dia mi tabatin 8 aña Papi a puntrami kiko mi ta vota. Mi a bisa Demokrat. 'Dikon' el a puntra. Ma bise pasobra papi i mami tambe ta vota demokrat. El a wak mi den mi kara i bisami: mi yu nunka hasi algu ni maske ta ami ta hasie. Hasie paso abo ta kere e ta bon pa bo hasi. E dia ei el a pone e fundeshi pa mi karakter.
Lisette, 12 January 2008
Mi prome dia di skol na MIL a kaba i Papi a bin buskami. Mi yu masha mucha mes ma mira ta huma. Si bo ke huma bisami i mi mes lo kumpra bo paki sigaria dunabu. No tuma nada serka niun hende ni no huma skondi.Muchanan será den kas ku no mag nada, dia nan haña chens di bula kurá nan no por dil ku nan libertat i nan ta hasi kos deskabeyá. Ma rekononosé mi mama su mensahe di laga bo mes moketa yena bo boka den dje. I e mensahe ku mi ta haña konfiansa i libertat tami mester respetá esaki.
Lisette, 12 January 2008
Isan nos yu, for di 2 aña ta preokupá paso mi no tin mi mayornan. Mama ta tristu? Ami si no kier pa mama ni papa muri. Mama mi ke pa nan tei. Lis: 'Nan ta biba den mi kurason i nan ta manera nos angel wardador'. Isan: 'Pero mi kier wak nan'. 'Isan, anochi wak den shelu i buska e dos streanan di mas bunita, ta nan dos'. Desde e dia ei el a konformá i ta buska kada tantu tempu e dos streanan. I e sa ku si nos no tei algun dia, unda e por buska nos i unda karga nos .
Lisette, 12 January 2008
Dia prome di januari Ralph su ruman muhe. a parti sopi mondongo. E momento ei ma korda ken a sinja mi apresia sopi mondongo. Mamai.
Dia mi tabata chikitu nos a bai na bosnan kas i Mamai tabatin asina un wea di sopi mondongo pa parti. Ora mi a mira e mondongo(serbete)den e sopi, mi a ninga. Despues Mamai a duna mi un 'otro' sopi. Mi a bebe tur mi sopi.Ora ma kaba Mamai a bisa: Mucha, ta sopi mondongo bo a kaba di kome. For di e dia ei sopi mondongo ta un specialidat pa mi.
Gila Libier-Martis, 15 January 2008
Tur prome dia di aña traimerdia nos ta korda ku na aña 1975 telefon a rin. Mami a kue pa djis despues e grita yora. Nos a spanta kore bin. El a sera, hisa su mannan na laria i grita for di su kurason, danki Tata danki. Dith mi ruman a haña un yu homber. Tata danki pa e milager aki. Normen nos ruman a reakshoná promé: Chichi bo ta spanta hende hombu, ma kere ta un hende a muri. No, ta mi ruman a haña un yu homber i e yama Jairo Martis.
Lisette, 16 January 2008
Mi tata tabata masha speshal pa mi. E tabata un persona ku un karakter difisl. Ora e ta bon e ta un pan di Dios, pero ora e rabia e no por a kontrolá su mes. Ora tur tabata kondené i krusifiké mi tabata defendé i purba komprondé. E tabata rabia, tira i kibra tur kos. E deblididat ei tabata resultado di malkriansa. Mi sa ku e falta di kontrol aki a hasi hopi daño na e mes i na otro. Pesei mi a perkurá pa mi no malkriá mi yunan i siñanan kon ta apropiá pa dil ku desapunto o rabia.
Lisette, 16 January 2008
Maske kiko ku mami hasi, ora papi yega kas nos tur ta sinta na mesa ku ne. E komementu a bai pa hopi aña asina aki. Un hap pa ami, un pa Percy, un pa Gilo i un pa papi mes. Asina te ora e kuminda kaba. Ora ma bira mas grandi e ta yamami bisami. 'Nini ta karni tin? Lomitu? Ai no hala un tiki funchi pa mi i habri un bleki sardintji. Kome e karni numa abo. Su filosofia ta ku nunka e no ta kome promé tur mucha den kas kome. No tin eksepshon, duna tur mucha prome lo mehor i loke sobra e ta kome.
Lisette (Nini), 16 January 2008
Shon Len a konosé 4 nietu di dje. Nathaly, Moenir, Roda i Narsnetty Rumai. El a stima nan masha i mami tambe semper a konsiderá nan su nietu tambe. 'Ai boso kita e mucha su paña for di nan kurpa laga airu pasa'. Bisando asina e ta kita nan paña te ora nan keda den pampers i pia abou. E ta bisa laga nan kana pia bou. Ami no por mas paso nunka nan a lagami kana pia abou, pesei mi tin pia di baby. Laga nan kana i kore den tera pa nan pia hana kayo.
Lisette, 16 January 2008
Mi yu skucha bo tata bon. Bo ta den un boto i e ta sink. Bo tin bo mama i bo yu pa skapa. Un bo por skapa, kua bo ta skohe? lis:'Tur dos'. Papi: 'No den bida real no ta asina, bo mester skohe pa un of tur dos ta muri. Silensio.....
'Nini ami lo skohe pa mi yu pa difisil ku ta pa mira mi mama muri. Pense i bisami mañan kua i dikon'. Korda si ku si tabata real mester disidi mesora i no por pensa. Esei ta bida tuma desishon lihe pero a base di bo konvikshon'. Mi tata tabata un sabio di bida real.
Lisette, 16 January 2008
Nos mama a pasa siñansa di su mama pa nos:
Mi yu, mi mama 'Nita' a siñami, no pidi plaka. Pidi loke bo mester pa por biba. Plaka no ta hasi feliz paso e no por kumpra tur kos.
Lisette, 16 January 2008
Papi a yama nos asina aki:
Percy el a yama Pechito
Lisette el a yama Nini
Gileon of Gilo el a yama Djo Bil mucha bon
Percy Lisette i Gilo, 16 January 2008
Mi no tabatin e suerte di a konosé mi suegra i suegro personalmente. Pero di loke m'a tende atrabes di añanan, mi tin un bon bista di ken i kon Shon Len tabata i mesun kos Chichi Frida.
Mi kustumber ta ku ora mi tin gana di kansa Lisette, mi ta bis'é ku su tata semper tabata fuma. Su reakshon di semper: "Ta ku bo sen e tabata bebe?". Di su mama si te ainda mi no a haña algu ku kua mi por tent'é (ounke nunka ta lat pa haña algu).
Rudsel van Lamoen, 17 January 2008
Algun ku Lisette a konta mi ku semper m'a keda korda: Su mama tabata gusta yuda hende. E tabatin un prima ku semper e tabata duna kabei boto. Un dia Gilo, 4 aña, a bisa e shon. Bo ta muchu gordo i nos ta sinta tur pertá den outo. Pober Chichi Frida no tabata sa unda e hinka su kara. E no a gusta at all.
Mi ta gradisí Shon Len i Chichi Frida pa e amor i edukashon ku nan a duna na Lisette. Ounke mi no a konosé nan, mi stima nan i ta bisa nan danki pa e gran regalu ku nan a prepará p'ami.
Rudsel van Lamoen, 17 January 2008
Mi ta kere ku mi tin hopi kos ku mi ta korda di mamai i papa len. Mita kere ku ta e temporada di mas dushi ku mi por korda esey ta.
Serka mamai ku papa Len tur kos tin mag. Mi ta korda ku Angelli ku ami no tin mag di keda drumi na kas di ningun hende. Pero serka mamai si. Anto ora awa kai ta nos jam. Nos ta yena e dos tobo grandinan di heru ku awa anto nas ta landa den stupi patras. Eynan nos tin mag di muha mes. Ningun hende ta zundra nos. Despues nos ta bana
anto hopi bes nos ta bai keiru
Donnete Garmers, 22 January 2008
Mi ta korda ku nos ta bai kome hopi
bes na airport. Sate ku batata. Rey ku mamai gusta kome nos ta pasa bon. Hopi bes nos no ta kome na kas, paso papa len tin bia a lanta
kome e kuminda di e dia ey, anto porta mamai no tin gana di kushina.
Donnette Garmers, 22 January 2008
Mi ta hari semper kon Mamai ta limpia kas. E ta bari un pida kai sinta huma su sigaria anto despues sigui. Ora nos kana den su sushi e ta manda nos un mama nos ta hari te yora anto e ta sigui.
Donnette Garmers, 22 January 2008
Ora nos bai Wespunt tambe ta hilaridat. Nos ta lanta for di 6 or bisti zwempak bailanda. Merdia nos ta pasa na kranchi banda di misa kwe awa den boter of hember kaba bai kas. Awe pa e hende grandinan flush wc. Nos mes mester bai den mondi. Semper ta harimentu ken su shushi ta mas grandi of mas pretu. Despues nos ta dal un piedra riba dje ta kla. Wak si Ten (bisiña no ta wak, kana bai kas. Mi no ta lubida e kos aki
Donnette Garmers, 22 January 2008
Nos ta kwe mamai su weya traha sopi di piska ku nos a piska(yen di wesu) kima tur e weya anto despues tende tur mama ku tin, pa su manise hasi mes kos. Aya bou mamai i mi mama ta drumi riba kama nos ta drumi abou.Nos ta konta kos di hari te ora nos drumi. Ta den kwente bisa ku Angelli ta drumi den zwembad paso semper e ta laga nos drumi rondo di dje paso e ta yen di miedu paso ta spanta nos ku un tal Jan (bleki lechi) ku ta bin kwe nos. Nos ta yen miedu di Jan ku ningun hende no a mira.
Donnette Garmers, 22 January 2008
Anto ora Mamai ke pa nos baha for di e kama ku
konstant nos ta riba dje rondo di dje e ta los un bon bientu nos ta sali kore. E ta hari bisa porfin boso ta lagami un ratu trankil
Donnette Garmers, 22 January 2008
Nos ta tin un tape recorder i nos tabata graba tur stem( Unda e ta???)
Ora nos ta na weekend huis nos ta gusta paso tur hende ta pasa grita nos. Dor ku nan konose mamai nos ta jama bisele tin hende pa. Mi mama no konose tur hende.Semper e ta bini sin bril bisti. Anto ta nos tinku bise ta kiko e hende a bisa anto ta ken( ku nos mes no sa)
Donnette Garmers, 22 January 2008
Otro kos ku ta duna mi trauma ta e hecho ku antes Mamai ta hanja masha hopi invitashon di bai ricibimentu paso e ta prepara e muchanan.Anto nos tin ku bai ku ne. Na tur sorto di kas. Pa korona e obra e ta pasa buska Glenyu di Che. Awel ta kwente ku no mag ninga kos ora ofrese na fiesta. Bai na kas den luganan di mas strano anto mester kome paso e ta keda wak bo pa nos no menospresia e hendenan of nan kosnan.
Donnette Garmers, 22 January 2008
Mamai semper ta kai na pena di tur hende ku kisas otronan lo rechasa. Glen di CHe for di chikitu por a ripara ku e ta homosexual. Awel mamai tabata tin un amor speshal pe. Glen semper ta tin su blundernan. Ora e sinta riba un stul kaminda otro hende tabata sinta prome anto nan reklame e ta bisa: opgestaan plaats gezitten. Nos ta hari nos morto ku Glen. Mamai semper tabata defende Glen. Nos tabata pasa dushi i kontentu ki Mamai i Glen.
Donnette Garmers, 22 January 2008
Djadom.16 yan 1983 dr.Treurniet a manda Mami bai hospital pa 1 siman. El a drenta bira lomba i bisa nos bai numa. E no kier bai den mes kamber ku Papi mas pa nan no mira otro sufri.El a bai kamber 7 i papi tabata den kamber 6 na Advent hospital.Un siman despues riba djadom. 23 di yan. mi a yega hosp.i mira ku mami no ta ok. El a keda keña bisa e no por muri laga su yunan. Ora ma sigure ku lo mi waknan i tambe termina mi estudio el a kuminsa nuri,kanta bunita mes ku un smile, ..i sera su wowo.
Lisette van Lamoen-Garmers, 22 January 2008
Rumannan, famia, amigunan. mañan ta 23 di yanuari 2008. Ta hasi 25 aña ku mami a bai sosega. Bashi i dolor inmenso a keda atras. Muchu trempan nos a keda sin mama. Pero nos tabata sa tambe ku pronto Papi tambe lo a bai. Un konsuelo, ku nan lo topa otro bek. E dolor nunka ta fria pero nos a siña biba ku e bashi. Esnan ku tin nan mama, disfruta di dje i pamper e, tene pasenshi ku ne. Trate tur dia manera un berdadero regalo di Dios.
Lisette van Lamoen-Garmers, 22 January 2008
Lisette, bo ta un hende hopi spesial. Mi ta hopi agradesido di por konosebo I di por tin abo komo mi amiga. Mi ta admirabo pa bo sabiduria, e amor i atenshon ku bo tin pa duna. E suavidad ku bo tin pero tambe e firmesa i sinceridad. Mi ta bisa semper, abo ta un hende ku a pasa dor di kasi tur kos den bida. Bo a hañabo ku kosnan hopi tristu i kasi mi no por kompronde kon bo a pasa dor di nan tur. Kurason di hende no por lubida dolonan ta pesey Danki Dios tin alegria tambe pa fria e dolonan.
Nadine Kelly-Ilario, 25 January 2008
Ami ta siña masha hopi mes dibo i bo konseho i experiensa ta hopi balioso pami.
Meskos ku abo a hasi di tuma tur e kosnan bon ku bo majornan a pasa pa abo nos tambe mester hasie i ninga tur loke ku ta malu ku ta bini riba nos. Ta agradesido ku loke nos tin i ta kontentu ku nos por biba i disfruta di nos famia i di nos amistadnan ku ta un bendishon hopi grandi. Dios bendishonabo, dunabo hopi mas forsa, goso, salud, pas i felisidad. Love you!!
Nadine Kelly-Ilario, 25 January 2008
Percey ta bai hasi su promé Sta.Komunion. Chichi Papachi a bin tuma midi pa kose kortina nobo. Segun nos ta deliberá asuntu di kortina, Percey ku Lisette ta molestiá nan mama bisando ku nan tin hamber. Mamai a kontesta bisando; “ Awor ei e muchanan aki a kaba di kome totolika”. Totolika a la paría sa ta algu masha gusta ántes. E tin sabor di galiña, pero e kantidat ta masha tiki pa yena stoma. P’esei nos mester a hari masha pa e palabranan di Frida. Te hasta awe nos ta kòrda e palabranan aki.
Chichi Papachi Martis, 26 January 2008
E wea di guiambo
Tabata den luna di aprel. Nos prima Elma tabata spera Vionny. Chichi Frida a primintí Elma ku e lo kushina un wea di guiambo p’e. Dia 20 di aprel Chichi a yama bisa ku e guiambo ta kla. Kiko a sosodé? Ya Elma a duna lus na su promé yu muhé Vionny den hospital. Kiko a sosodé ku e wea yen di guiambo sabroso, nos no sa mas. Kisas ta famia Garmers mes a saboriele?
Elma Athill, 26 January 2008
E miho bolo di frishidel ta Frida por a trahe. Frida tabata mi kolega i nos a traha hopi ana huntu na skol. Frida su bolo di frishidel tabata kampion. Tin hopi hende ta traha bolo di frishidel awendia pero manera esun di Frida hamas mi a kome.
Yufrou Judith Frans-Zechiel, 26 January 2008
Ami tabata haña Mamai ku Papa Len masha speshal,
pasobra semper mi tabata haña leuk pa bisa ku mi tata su ruman ta kasá ku mi mama su ruman. Anto e nòmbernan tambe tabata duna un band speshal no tio ku tanchi sino Mamai ku Papa Len.
Claire Lanoy-Garmers, 28 January 2008
Papa Len semper tabata tin un joke: e tabata mustrami dos moketa será i e ta puntrami kua bo ke hospital of santana? Mi ta korda ku semper mi tabata pensa delantá kiko pa bisa. Un kos difisil pa un mucha di 3-4 aña
Claire Lanoy-Garmers, 28 January 2008
Mamai tabata bèl mi mama minimal 1 bes pa dia. Awel foi ora telefon rin bo sa kaba. Ata si mami kue su stul di zoya hala sinta, bo ta den. Semper mi tabata puntra mi mes, ta kiko nan tin di papia tuuur santu dia asina?
Claire Lanoy-Garmers, 28 January 2008
Tende tiru tabata nifiká pa nos pasa serka Mamai i Papa Len mesora despues di tiru. Djaleu doble R ta bati i semper tabata super gezellig ku tur e otro primu i primanan. Hopi leuk ku nan tambe tabata parti di mi bida.
Claire Lanoy-Garmers, 28 January 2008
Djasabra dia 26 di yan. mi tabata kore den outo i ma mira mei mei di kaminda un nèeshi di para tira. Mi a para, laga e muchanan baha bai wak si tin yu aden. Mi tata a hasi esaki semper. Nos tabatin tur sorto di bestia na kas. Kachó, galiña, tur tipo di para, lora, turtuga, makaku i te hasta un kabritu i un kinikini. Nos tata tabata stima bestia anto e mes tabta kuida nan i limpia nan kouchinan tur siman. Mata e tabata stima i tur dia e mester a atendé ku nan.
Lisette, 29 January 2008
Un dia papi tabata planta un mata di mango. Humphrey a bise:'Stop di kansa bo kurpa bin sosegá. Ora e palu ei pari bo no lo tei mes pa komenan. Wel 4 aña despues el a duna Humphrey un saku yen di mango bai ku ne. Nos tur a lubidá loke Humphrey a bisa añanan anterior. Papi a remarká, mira no ta mi mes ku lo no tei mas ta yena saku di mango dune. Danki Dios mi no a bai su tras. Wel e palu ei a pari i papi a parti mango ku smak pa tur hende.
Lisette, 29 January 2008
Mi tabatin 4 aña anto papi a pidi mi bai kue un martin pe ariba. Ma subi trapi, kue e martin i para den balkon na haltu tira e martin gritando até ta bin. Martin a knockout papi. Ma spanta i kuminsa grita "mami ma mata papi". Papi a lanta djis bek ku un bòlònbònchi na su kabes. Paso papi tabatin un problema e ta gusta knutsel pero e no ta piki herment bai ku ne. Ora e kuminsá e ta keda grita trese martin, trese trapi etc. Awel ma kere di por hasi lihe, pero e sopi a sali salu.
Gilo, 29 January 2008
Ku 14 aña mi a drenta outo i pidi mi rumannan wak pa mi pa mi no dal, mientras mi ta manuvrá ku clutch, brake etc pa move e outo. Riba un dia ma dal e outo den porta di kura. Mami a zundra, mi rumannan a kore yama papi na trabou pa konta loke a pasa. El a skucha i pidi pa papia ku mi."Mi yu kon ta ku bo"?"Bo a haña sla? Bo a spanta? Esei ta prinsipal, outo nos por drecha. Awel bo a siña algu mas. E mes a siñami i ku 16 aña mi por a kore outo msha bon mes.
Lisette, 29 January 2008